Dünyada Magazin

Acun və Şeyma boşandı – Fotolar

Acun Ilıcalı ilə Şeyma Subaşı boşanıb.

Azmagazin Axşam.az -a istinadən xəbər verir ki, bir az əvvəl məhkəməyə gedən ikilinin fotoları yayılıb. Boşanmaq üçün birlikdə gələn cütlüyün şən əhvalı diqqətdən qaçmayıb. Ilıcalı və Subaşı kameralara gülümsəyərək poz verib.

Ötən ilin sentyabr ayında Fransada ailə quran ikilinin hansı səbəblə ayrıldığı hələ ki, məlum deyil.

İddialara görə, Acun və Şeyma 4 aydır boşanmağa qərar verib. Münasibətlərini xilas etməyə çalışan cütlüyün cəhdləri alınmayıb. Bu barədə Ilıcalı açıqlamasında deyib:

“Hər evlilikdə boşanma var. Biz də evliliyimizi xilas etməyə çalışdıq. Amma alınmadı. Buna insani yöndən baxmağınızı istəyirəm. Çalışdıq, olmadı. İkimiz üçün də xeyirlisi belədir. Dedi-qodular ola bilər. Nəticədə biz də öz aramızda kiçik bir ailə idik. İddiaların hamısı xoşagəlməzdir. Sevərək evləndik, hörmətlə ayrıldıq”.

Qeyd edək ki, onların Melisa adlı bir qızı var.